4. ASTEA

Aste honetan pasaden ostiralean irakurri genuen  txostena " De las programaciones didácticas a la unidad didáctica:incorporación de competencias básicas y la concreción de tareas " taldeka aztertzen egon gara. Hemen uzten dizuet egindako txosten honi buruzko azalpena:

Curriculuma hezkuntza prozesuan ematen den elementuen multzo ordenatua da eta elementu curricularrak zehaztea eta sekuentziatzea du helburu. Honen barruan, oinarrizko konpetentziak, helburuak edukiak, metodo pedagogikoak eta ebaluazio irizpideak daude. Osagai hauek oso garrantzitsuak dira ikasleek modu kontestualizatu batean, izatera heldu behar diren ezaguera, trebetasun eta jarrera multzoak lortu ahal izateko.

Ikus dezakegu curriculuma estrategia bezala erabili behar dela eta lau zehaztapen curricular mailetan sailkatzen da : Curriculuma lehenengo zehaztapen mailan sailkatzen da, hau da, preskriktiboan, non gobernu zentralak eta gobernu autonomikoak helburuak eta gaitasunak, metodologia, edukiak eta ebaluazioa zehazten dute . 

Bigarrenean, programazio didaktikoan, hezkuntza proiektuak lantzen dira, koordinazio pedagogikoaren batzordeak eta irakasleak arduratuz.

Hirugarren zehaztapen maila, unitate didaktikoak daude, non, irakasleak edo tutoreak unitatea planifikatzen dutenak dira. 

Azken zehaztapen curricularra, banan-banako irakaskuntza plana dago, hemen behar bereziak dituzten umeei egiten dieten programazioa dago. Programazio honetan, irakasleak eta familien parte-hartzea garrantzitsua da.

Baina  zertan antolatzen da unitate didaktiko bat ?

Unitate didaktikoa irakaslearen lan tresna da, hezkuntza praktiken antolamendua ahalbidetzen duena. Honen edukiak irakatsi behar dira kontuan hartzen konpetentzia batzuk garatu behar direla. Unitate didaktikoak aurrera eramateko, eskema hau dituzte ( nik egindako mapa kontzeptuala) :

Ostiralean, Alaitzek fitxa bat eskaini zigun non proiektu eta unitate didaktikoen berezitasunak eta ezberdintasunak ikusten egon gara. Hemen uzten dizuet Alaitz eskeinitako fitxa.

Azkenik, Alaitzek sorpresa batekin agertu da. Taldeka banandu eta gero, liburu sorta batzuk eskaini zigun talde bakoitzari. Nire taldeari konpetentziei buruzko liburuak tokatu zitzaigun. Hasieran ez genekien nola hasi, zer irakurri eta zer ez, azkenean liburu osoak irakurtzeko denbora ez geneukan, baina poliki poliki liburuak aztertuz gero, konpetentziei buruzko ezagutzak barneratzen hasi nintzen.

ERREFERENTZIAK:

• Escamilla, A. (2009). Las competencias en la programación del aula. Barcelona: Grao.

• Jimeno, J. (2008). Educar por competencias, ¿Qué hay de nuevo? Madrid: Morata.

• Revista Docencia e Investigación,245-270 orr.

• Rodríguez Torres, J. (2010). De las programaciones didácticas a la unidad didáctica: incorporación de competencias básicas y concreción de tareas. Honako webgune honetatik berreskuratua: https://www.uclm.es/varios/revistas/docenciaeinvestigacion/pdf/numero10/9.pdf

• Villa, A eta Poblete, M. (2007). Aprendizaje basado en las competencias. Deusto: Ediciones Mensajero. Webgune honetatik berreskuratua: http://delegacion233.bligoo.com.mx/media/users/20/1002571/files/240726/Aprendizaje_Basado_en_Competencias.pdf

3. ASTEA

Hirugarren aste honetako lehenengo egunetan Alaitzek eskaini zigun dokumentu bat aztertzen egon gara, " De la unidad didáctica al proyecto". Dokumentua irakurtzean, idei interesgarriak daudela ikus ditzakegu, hala nola, irakasteko orduan, garrantzia gehiago ematen diogula umeak lortuko duten emaitzari edo zein izango den prozesua, baina ez gara konturatzen umeari garrantzi gutxi ematen diegula momentu askotan, hau da, programatzeko orduan, momentu guztietan umea kontuan izan behar dugu. Hau lortzeko, kontuan hartu behar dugu umeak duen prozesua. Denok dakigu ume guztiak ez direla berdinak eta batzuk zailtasun gehiago dituzte jarduerak aurrera eraman ahal izateko.

Hurrengo didaktitako klasean Nekane Otxoaren hitzaldi bat ikusi dugu, proiektuen bitartezko irakaskuntza Lehen Hezkuntzan. Hitzaldi horretan honako ideia hauek nabarmenduko nituzke.

Gela horietan adin desberdinetako umeak elkarrekin daude, eta 2. urtetik 6. mailan dauden haurrekin aritzen dira lanean, proiektuen bidez. Proiektu hauek umeak aukeratzen dituzte.

Baina, zer printzipioetan oinarritzen da proiektua? Umeak bere burua, errealitatea eta mundua ulertzea eta bere burua kokatzea jakin behar du galdera askori erantzunak emateko.

Proiektu hoien oinarria testuak dira eta umeak jakin nahi duten kontextuan kokatzen dituzte. Horretarako gelak polifonioak dira. Honi esker, umeen iritziak eta ikuspuntu desberdinak dira ikusi ahal ditugu, aldi berean, umeak libreki adierazteko aukera izanik. Honekin umeen artean aniztasuna lortuko da.

Testu hauen funtzioa komunikatzea da,eta haien bidez, etengabeko interakzioak egongo dira, umeek lankideei entzun ahal izateko eta elkar ekintzak sortzeko. Modu honetaz, norberak pentzatzen duena ezagutuko du, besteei dakiguna azaltzeko gaitasuna lortuko da, testuak interpretatuko dituzte eta ezagutza ezberdinak ulertu diren ziurtatuko dute. Horretarako, kontuan hartzen dute hartzaileak esaten duena eta nola antolatzen duten irakurriko duten testua.

Aste honetan ere, programazio didaktikoetatik unitate didakoetara dauden irizpideak ikusi ditugu txosten baten bitartez. Txostenaren puntu garrantzitsuenak sailkatzeko  power point bat egin dugu.

Hemen uzten dizuet Haizea Sarraga, Ariane Carrascal, Leire Conde eta laurok egin dugun power point-a.

.

ERREFERENTZIAK:

• Otxoa, N, (2013). Arrankudiagako LHI. Eskolako txikienak irakurtzen eta idazten proiektuen bidez. Honako webgune honetatik berreskuratua: https://www.youtube.com/watch?v=w7nEXT7HLE8&feature=youtu.be

• Rodriguez Torres, J. (2010). De las programaciones didácticas a la unidad didáctica: incorporación de las competencias básicas y concreción de las tareas. Honako webgune honetatik berreskuratua: https://www.uclm.es/varios/revistas/docenciaeinvestigacion/pdf/numero10/9.pdf

2. ASTEA

Aste honetan Haur Hezkuntzako curriculuma ikusten egon gara, oinarrizko konpetentziak bereziki. Bertan oinarrizko zehar- konpetentziak eta oinarrizko konpetentzia espezifikoak daudela ohartu gara.

Zehar konpetentziak edo orokorrak bizitzan zehar dauden egoerak eraginkortasunez ebazteko behar diren konpetentziak dira, bai esperientzia eremutan, bai eguneroko bizitzako gainerako egoeretan. Konpetentzia espezifikoak aldiz, bizitzan zehar dauden egoerak eraginkortasunez ebazteko behar diren konpetentziak dira baina zehar konpetentziak ez bezala, haietan, diziplina-arloren bateko berariazko baliabideak erabiltzen dira.

Honekin batera, Euskal curriculuma dituen konpetentzia orokor garrantzitsuenak hauek dira:

• Komunikatzen ikasi.
• Pentsatzen eta ikasten ikasi.
• Egiten eta ekiten ikasi.
• Elkarrekin bizitzen ikasi.
• Norbera izaten ikasi.

Hona hemen egun horretan egin genuen Haur Hezkuntzako Curriculumaren mapa kontzeptuala:

Lan Modularraren gidaren mapa kontzeptuala ere egin dugu, hau baliogarria izan da lan modularra egiterako orduan, izan ere, lanaren nondik norakoak ezagutu ditugu, zer egin behar dugun eta garrantzitsuena, nola egin behar dugun jakin ahal izateko.

ERREFERENTZIAK:

• Hezkuntza,hizkuntza politika eta kultura saila, (2016).Heziberri 2020 plana. Webgune honetatik berreskuratua:http://www.hezkuntza.ejgv.euskadi.eus/r43-hezi2020/eu/

1. ASTEA

DIDAKTIKA EZAGUTZEN

Lehenengo aste honetan, didaktika aztertzen hasi gara. Bereziki argitu digute materia honetan zer egingo dugun, nola izango diren lanak eta ebaluazio prozedurak. Azkenik, sortutako zalantzak asteko azken egunetan argitu ditugu.

Honekin batera, portafolio bat egin behar dugula jakin izan dugu. Portafolio honetan, astean zehar klasean landutako gaiekin eta prozedurekin hausnarketa bat egin beharko dugu. Lan hau guretzat baliagarria eta aberasgarria izan daitekeelakoan nago. Izan ere, ikaskuntzarako trebetasunak, ardura eta inplikazioa erakutsiko ditu. 

Bukatzeko, Curriculuma aztertzen egon gara, bere barne dagoen 237/2015 DEKRETUA hain zuzen. Horretarako, xedapen orokorrak irakurri eta mapa mental (edo kontzeptual) bat egiten saiatu gara, guretzat garrantzitsuak diren ideiak laburtu, antolatu eta irudikatuz. 

ERREFERENTZIAK:

• 237/2015 DEKRETUA, abenduaren 22koa, Haur Hezkuntzako curriculuma zehaztu eta Euskal Autonomia Erkidegoan ezartzekoa.Honako webgune honetatik berreskuratua: https://www.euskadi.eus/y22-bopv/eu/bopv2/datos/2018/01/1200142e.pdf